奪寶奇兵 - 失望

indi 新一集我等左十 x 年，無免費飛都會自己科水睇！

記得頭三集都係用當年科技最尖端既"ld"睇，當然覺得勁靚勁清楚啦！睇完三集，覺得超級緊張同正！我最鍾意呢 d 歷險緊張古靈精怪片種，所以 mummy, independence day, national treasure... 我全部超鍾意！

好可惜等左十 x 年，換來既係失望，今集真係無之前三集咁好睇！一來可能睇過好多同類片種，所以要求高左。二來個故事去到尾段真係... 之前之聖杯就聖杯，聖櫃就聖櫃，真係用 d 聖經丫、巫術丫、古代文明丫咁來解釋。但今集開頭個 so called 木乃伊出場都未估到哂，但一到個水晶骷髏頭出場... 我都估到應該係行最無敵而又能解釋所有野既外星人。

背景係 195x 年既但加上 2xxx 年既外星人，一行外星人呢條水，奪寶既風格真係無哂... 唔係樣樣都可以好似瀨尿蝦同牛丸咁合埋做瀨尿牛丸...

如果史匹堡會拍 back to the future 第四集，希望唔好再破壞佢係我心中經典既形象。