時光倒流

想問吓，送即日早場.... 我點睇番呢？

橫掂都係連場任睇，你送多張飛比我又有咩用呢！...

不過套片名又改得幾好....

笑臉

miss 左，要等二十年...

六叔金句

「現階段可以用有限錢利用平均買入法分段買入營利增長快、行業前景明朗、PE低、派息高、唔受經濟環境影響的質優股長線持有...」

壞咭

去 bbq 燒野食影左好多爆笑相，返到屋企想放番入電腦同 facebook，但整來整去都唔得，但係係部相機又好好地睇到哂喎！搞左好耐，終於發覺係... 張咭死左！

勁灰！係完全唔可以 read，好彩自己不嬲都好似果 d 獨居老人咁鍾意儲野，搵番張咭既單同個原裝盒！

今朝打去 transcend，佢地話佢地既 cf 咭係有 lifetime warranty，超正！

臨去練拳前去左深水步，佢地可以搵番齊哂 d 相，仲要換番一張新咭比我！ ;-) 因為我原本果張係120速，佢地已經 phrase out 左，所以佢地升呢比左張133速我！咁好 service 我臨走幫襯佢地買多一張133既8 gb 咭！

以後去影相唔怕唔夠位放相啦！呵！

集體瀨野

十幾個同事星期六一齊上 training，中午一齊去奧海城雪園食 lunch。

果晚同屋企人食自助餐，六點開始食，但去到中段八點幾個人開始好攰，成個人吽哂。我當時只以為因為果日早起身再加上集中左一整日所以咁攰，都唔理佢。上到小巴返荃灣途中超級昏迷...

返到屋企，成個人好似比人扑暈咁。一野上左床衫無換、燈無熄就完全陷入昏迷狀態。除左超級醉或連續幾晚好夜瞓，本身我係好少會咁樣昏迷法... 正常來講，咁樣沉睡五六個鐘應會 ok 精神。但奇就奇在並唔係咁！一路沖涼一路爆頭重... 沖完上床爬係度頭都無乾又瞓著...

瞓到第二朝八點幾俾鬧鐘嘈醒，原本諗住一早去游水，但真係超級眼瞓，拍熄左佢又再瞓過。

中午個肚開始有少少唔舒服，少少痛左三次，我都係以為係因為食得太多者... 自己成日個人都係少少迷迷糊糊咁。我都係以為自己星期六太攰者...

今日返到公司，見到王子成塊面青哂，ryan 個樣又七七吓咁，自己仲係吽吽吓咁。唔問尤至可，一問，原來 andrew，patrick 幾個都係星期六或日開始唔妥當，唔係肚痾就係迷糊。

oh~ i'm not alone!!

肯定係果間野 d 食物唔乾淨或者佢個廚師用左安眠藥當調味啦！唔係點會成枱人個個都唔妥？

新玩具

終於運來了！

開心！可以係廳打 xbox 啦！

衝擊樂壇

樂壇就快又有一場腥風血雨！

http://www.youtube.com/watch?v=Oz1gVYMGYLE

普通等閒之輩又點可以唔俯首稱臣呢？

TV

奧運完了。

高清既奧運真係靚到爆！屋企唯一可以扮高清就係用高清手指加電腦芒來睇，唔係點對點但都已經靚絕！用番大牛龜電視睇... ~> <~

買左 xbox 既 too human！ omg！估唔到一部當年好 hi end 既 wega 去到今時今日，game 入面既字 show 出來係完全一舊舊！真係一代新人葬舊人... 我都唔係好要求高，但打機連入面 d 字都睇唔到又真係唔掂！

想買 lcd tv 啦！但要成兩萬... 唔捨得！

鸚鵡

正！又有一個風來緊！

希望打足大半日，中五四五點落波咁就有得練波啦！

奧運

經過漫長既黑暗日子，hub migration project 終於去到尾聲！兩三個月來既辛苦終於完結！好一大排因為忙完全唔理個 blog，而家可以復活啦！

好開心我最鍾意既奧運開左鑼。我呢個唔睇電視既人都因為咁而成日趕番屋企睇電視。係豐澤睇到 d lcd 電視，真係靚過我屋企部大牛龜好多好多，勁想買番部 46" 但又要成兩萬幾啊！我睇而家我先去買，有貨再送到去我屋企奧運都完左啦，部電視最終都會變成打 xb 用！真係要諗諗佢！我下年年頭仲要交 ok 多稅！！

誰能避免 講錢 錢呀錢 缺錢不可以...

講開奧運，可能因為係北京攪既關係，真係 ok 多人留意！係公司，我地 equity 完全唔理會 2g 而成日高談闊論 d 賽果！其他老鵪都因為我地而變得大膽少少夠膽講野！無吉士丫你地！

無論係街、舖頭、老茶等等，好多人都講奧運，話呢個項目刺激、果個運動員做得好云云。但我望吓佢地，唉... 好多都係揹住個大肚腩... 即刻諗起三字頭，足球對佢地來講可能真係得番 winning 同上下盤... 運動亦只不過係半個月既奧運，佢地呢半個月都有一團火既，但之後又要番去現實做番佢地既肥佬！

無計，香港始終都係個燒肉定食既地方，oh no，弱肉強食既地方！搵錢始終先至係皇道... 每日朝九晚八，仲有邊度咁多人可以咁有恆心去 keep 住做運動啊！

窩姨

今個暑假，福仔、衣毛剔一早已經好想睇。

窩姨，個主角做型唔靚仔，顏色又唔斑爛，原本一 d 興趣都無。但係，美國票房好勁，口錍亦超級好，香港好多 forum 都話正！連壹仔既方俊傑都竟然有成一大版讚讚讚，有 90 分！

返工日

因為個 hub project delay 左，所以呢兩日要返工做到勁夜！

慘！尋日由中午做到夜晚十一點幾！今日至少由晨早做到夜晚七點！

雖然有的士錢同食貴野都有飯錢 claim 番，但我呢兩日隻右耳仔發炎而頭痛痛到爆廠！我真係寧願食 cheap 野係屋企由朝瞓到晚！

一夫當關

殺神特工

好睇！

不過唔明點樣殺神法...

戲

今日一口氣睇左兩套片，原本諗住一日睇三套架！

先去睇功夫熊貓早場！估唔到十點既早場，尋晚上網發覺竟係係 ok 爆，唔用信用咭買定飛真係怕去到戲院無飛賣！講真我覺得好好睇囉！d 畫面又靚，故事真 ok 似成龍早期既功夫片！(我勁鍾意當時成龍既功夫片架！)睇完好想買佢 d 功仔做擺設，但並唔係主角或佢既師兄弟，而係果個專俾細路仔練功果個不倒翁！超殘舊 feel 但好鬼得意！

再轉一大輪地鐵火車去到沙田，用超高速食完個 tea 去睇四點既 hancock。超人條線故事都 ok 有趣，可以由爛逹逹人見人憎變成受人愛載！再加上 sell 吓特技咁，都幾得架！charlize theron 做既索老婆 mary 條線就少少估佢唔到，可惜索鬼妹都係索得早殘得更早... 但我諗唔通個 logic，究竟想佢地保護世界定想佢地生老病死？想佢地保護世界又何苦要佢地會生老病死？原來有個 theme 係 alone is not lonely... 其實我係佢地都幾無奈！

講開睇戲，見到呢張JP銅鑼灣由五月開始既價目表... 雖然唔會關我事，但見到有 d 咁無良既戲院，真係即使全香港得呢間上我好想睇既戲我都唔會去睇！

錢，係要搵！但唔係搵得咁無良啦！大家見到有咩問題嗎？

係喎，原本既三套戲仲有一套 wanted，要快 d 去睇啦！就快好多大片會上，呢套做左成兩個星期，好快就要讓路比新一輪猛片！

好大感觸既故事

從前有一隻愛爬樹的猿猴，
牠喜歡在很高的樹上盪來盪去，
尤其是一顆長在懸崖邊的高高香蕉樹，
牠更是喜歡去那邊摘香蕉，
牠每次摘完香蕉，
都會去找牠的好朋友猩猩一起吃，
因為猩猩牠太大隻不適合爬樹。

可是有一天猿猴在摘香蕉時
不小心從很高的樹上掉下來，
從此得了懼高症，
猩猩好友為了鼓勵牠，
決定為了猿猴去摘香蕉，
希望猿猴吃了，
可以找回爬樹的感覺。

可是猩猩不是很會爬樹，
所以牠找了很多隻猩猩朋友，
大夥一起合作高高疊起來摘得了香蕉，
於是，猿猴在吃了猩猩大夥合作摘得的香蕉，
就因此治療好了牠的懼高症，
從此猩猩跟猿猴就過著幸福又快樂的日子了。

這故事告訴了我們一個很重要的啟示：

















「猩猩之夥、可以療猿！」


我睇完真係想打人... 唔好講笑！

功夫熊貓

豈有此理！當我話想睇功夫熊貓時，大食姊妹花兩個都不約而同發出「依~~」聲...

而家好失禮咩！我係咪大唔透鍾意睇卡通片唔得先！finding nemo，史力加，toy story 我全部都有睇！都唔知睇得幾開心！哼！

一個大人仲鍾意睇卡通片代表佢好善良丫！你地唔覺我一臉詳和架咩！唔係唔覺呀？打爆你地個頭！

德政

繼紅綠燈延長大拿拿兩秒後...













民建聯最新貢獻係叫政府換欄桿怕小巿民爆袋！

正所謂見微知著，塵世界仲有邊個比佢地更關心大家呢？

眼瞓

星期六日都好似正常返工咁返... 真係有 d 攰！

更慘係七一星期二都係要返。九點鬆返來等法國仔計數，兩三點收到 totem response 又要話比 trader 知，仲要等佢地返來做完 update 至可以走，至少六點先走得啦！頂！

&^@&#*$^(

如何與嫉妒心重的男友相處 ？

quoted from 蘋果

我 的 男 朋 友 總 是 覺 得 所 有 我 身 邊 的 男 人 都 想 追 求 我 。 我 倒 是 想 啊 ， 可 這 僅 僅 是 他 無 聊 而 可 笑 的 假 設 罷 了 ！

適 可 而 止
男 人 的 嫉 妒 心 對 女 人 來 說 不 是 件 壞 事 ， 而 且 它 還 正 好 暗 合 了 我 們 心 中 的 某 些 渴 望 。 一 個 會 嫉 妒 的 男 人 往 往 是 因 爲 在 愛 情 關 係 中 缺 乏 安 全 感 ， 害 怕 失 去 讓 他 産 生 滿 足 感 的 來 源 — — 你 。 其 實 嫉 妒 是 他 在 乎 你 的 表 示 ， 唯 一 的 問 題 是 他 的 擔 心 有 時 候 表 現 得 有 些 過 分 了 ： 懷 疑 、 操 控 、 不 信 任 ， 甚 至 是 沒 完 沒 了 的 糾 纏 … … 這 些 行 爲 就 讓 人 有 些 不 堪 忍 受 了 。

讓 他 放 心
你 要 做 的 就 是 盡 可 能 地 讓 他 感 到 放 心 。 但 如 果 你 對 天 發 誓 說 ： “ 相 信 我 ， 我 只 是 個 透 明 人 ， 沒 有 人 會 看 到 我 ， 更 沒 有 人 會 追 求 我 ！ ” 你 覺 得 他 會 相 信 嗎 ？ 就 算 哈 裡 波 特 親 自 給 你 送 來 他 的 魔 法 隱 形 衣 都 不 行 。 你 男 友 的 嫉 妒 心 和 現 實 如 何 毫 無 關 係 ， 而 僅 僅 來 自 於 他 心 底 裡 的 害 怕 。 你 說 什 麽 都 沒 用 ， 最 好 讓 他 看 到 你 和 身 邊 的 男 士 都 保 持 距 離 ， 並 讓 他 感 覺 到 你 對 除 他 以 外 的 男 人 都 不 感 興 趣 ， 讓 他 的 嫉 妒 心 漸 漸 地 退 化 。

BIBA 建 議
如 果 他 的 嫉 妒 心 太 重 而 且 産 生 得 太 頻 繁 ， 就 沒 必 要 再 委 曲 求 全 地 強 迫 自 己 斷 絕 和 所 有 男 性 的 聯 繫 了 。 你 必 須 提 醒 他 ： 你 沒 必 要 對 他 的 害 怕 負 責 。 如 果 他 一 直 無 法 擺 脫 心 底 的 擔 憂 ， 他 就 得 自 己 找 辦 法 解 決 ， 而 不 是 讓 你 費 盡 心 思 地 去 安 慰 他 。 假 如 他 的 嫉 妒 心 已 經 到 了 病 態 的 地 步 並 且 影 響 到 了 你 們 的 生 活 ， 那 就 帶 他 去 看 心 理 醫 生 吧 ， 不 然 到 頭 來 需 要 看 心 理 醫 生 的 就 是 你 了 。

我覺得男女都一樣... jealousy 既野，少少係甜蜜，多多就會係恐怖！

投資 review

發覺自己每次一多番少少現金，就會身痕... 但唔係去買 consumption goods 啦而係去左投資... william 都搵過我好多次話係時候做個 review！

最近個巿勁差，除左資源黃金外，所有 market 都差唔多都係跌跌跌！

其實對我呢 d long term investor 來講，呢 d 跌應該唔太重要，但心理來講都係有 d 唔開心啦！

不過相反來睇，巿差等於可以入巿買平貨。其實自己都好想買吓 d 指數基金，但又覺得自己都已經 ok 多比例放左係中國入面，想 diversify 想買油，已經咁高好似好危咁；黃金，已經之前買左一小部份... 唔知點？ :(

作為一個 aggressive 中而又要 diversify d risk 既人，william 都介紹左幾個我都 ok 有興趣既 market，。就係咁，買左一 d commodity fund，買左一 d 巴西、台灣...

又無左幾萬蚊，每個月又要供多幾千蚊...

我諗我月供方面真係要收手，怕太多 long term committment 會影響 short term liquidity。我諗我都係 william 一個好客仔，年年都加碼買買買！不過佢介紹果 d 本身都好岩我口味而咁多年來都有斬穫！

計過下年要交既稅講真我真係 ok 想暈！:-S 雖然 d 錢係花左去投資，但突然間無左一大筆錢個心好鬼不安咁。

錢，真係好邪惡！無又煩，有又怕佢貶值... 真係求其比我中番三千萬六合彩我就唔洗再咁煩啦！ plz！

Elements小遊

elements 開左咁耐，都未去過行。呢 d 名店林立既高級場，我都高攀唔起啦！不過上個月收到顏蕉既 email，話我知原來匯豐咭去買野有九折！ omg！仲要係咩舖頭都 applicable，因為個 discount 係銀行自己比番(即係個 mall back-to-back 比番銀行)，而果度又有百老匯！正！

想買支 24-105 4L 鏡頭好耐啦，但七千幾八千真係唔捨得，而家有九折又唔同咁講！除此之外，仲想買番部小型 dc 仔，仲有老豆又話有部 plasma 好抵，再加上自己部 notebook 呢期又無啦啦壞左... 嘩！我要買哂真係要 ok rich... 唔 can 啦！

anyway，終於去左 elements 果度望吓，個商場都幾大，不過 d 舖頭係貴價舖囉，大家樂丫、m 記肯定唔會出現，只有 three sixty、王家沙呢 d 囉！

去睇完我覺得幾好睇既聞雀之後，行吓行吓，見到一個肥婆狀既生物一 pat 咁坐係度食蛋糕，心諗：「唉！咁肥真係有佢既原因既... 好心就忍吓口啦！...」點知自己行前多幾步就比一間好靚既甜品店吸引住，好靚好好味既 cupcake 呀！一買就買左半打捚走！荔枝味芝士超好食！！唔怪得果個肥婆食得咁滋味！妖！不過後來至知原來用匯豐咭有九折！比左 cash 真係好蝕！

買完蛋糕，再去 three sixty 買麵包，見到好多好多又有 grains 又有 nuts 既包包，勁試食！好味道！

今個星期五，一放工即飛去，買我既 dc 同鏡頭！;-)

哎瘋衫螆

唔係化... 200 美金 only？港幣 1600？

apple 會唔會執笠？有冇錢賺架？ 一部咁高科技又靚仔仲有埋 8gb ipod 既都只係賣 1600，咁 sony、nokia 賣三千幾四千既電話係咪等於賺緊我好多？仲有邊個會唔等七月十一而而家去出手機？apple 好毒辣呀！以本傷人呀！但又個個等住佢出場而去朝拜！究竟可以點樣賺錢？唔通個 design 既 investment 上一代已經回本，所以而家即使 1600 扣番零件都有得賺？

如果好似報導咁講要上爛 3，真係會好灰囉！我只想要 smartone 乍喎！

可憐我三個月都無之前買左部 ks20， 而家真係無奈到極點... 賣左佢又唔係，唔賣又只有快速貶值！屋企仲有一部 e65，真係要超快速度去舉左佢，攞番千零蚊遲 d 去朝聖都好！

信心返哂來...

我諗有時我自己都要有多 d 信心，其實我本身應該都係 ok 靚仔同有型既...

大家唔信？

連佢地都參選，我點可能仲咁睇小自己呢？

奪寶奇兵 - 失望

indi 新一集我等左十 x 年，無免費飛都會自己科水睇！

記得頭三集都係用當年科技最尖端既"ld"睇，當然覺得勁靚勁清楚啦！睇完三集，覺得超級緊張同正！我最鍾意呢 d 歷險緊張古靈精怪片種，所以 mummy, independence day, national treasure... 我全部超鍾意！

好可惜等左十 x 年，換來既係失望，今集真係無之前三集咁好睇！一來可能睇過好多同類片種，所以要求高左。二來個故事去到尾段真係... 之前之聖杯就聖杯，聖櫃就聖櫃，真係用 d 聖經丫、巫術丫、古代文明丫咁來解釋。但今集開頭個 so called 木乃伊出場都未估到哂，但一到個水晶骷髏頭出場... 我都估到應該係行最無敵而又能解釋所有野既外星人。

背景係 195x 年既但加上 2xxx 年既外星人，一行外星人呢條水，奪寶既風格真係無哂... 唔係樣樣都可以好似瀨尿蝦同牛丸咁合埋做瀨尿牛丸...

如果史匹堡會拍 back to the future 第四集，希望唔好再破壞佢係我心中經典既形象。

激死... 見工 2.0

倒屎咁早起身！六點五丫！但我成三點幾至去瞓丫！... 雞咁腳梳洗！搭八出左門口啦！

去到間公司果度，個 secu 話，今日佢唔知有 vc 喎！吓？唔知？我個 agent 唔係約好左啦咩？間 vc 房又真係黑媽媽喎！頂！

佢幫我搵香港呢邊既 it 人，由七點半左右搵到八點左右終於搵到(有人返工)啦！之後佢再經佢地搵日本果邊既同事，我等到八點三都費事等，因為見一個人半個鐘都已經八點九、十。如果見兩個要去到九點四五，番工遲到 pk 啦！

激死啦！兩次都因為唔同原因而見唔成！可能個天都同我講，呢份工危危地而 kick 吓我！鬼咩，尋日睇報紙先至話佢要炒千三人... 唔係隱定丫？入去一個月話要裁員，我呢 d 新人實新豬肉啦~

番到去自己公司，上去 28 樓食番個超級豐富既自助早餐(果汁、點心、蛋糕、沙律、香腸、奄列...)！一路食一路諗，其實 27 蚊自助早餐真係 ok 抵... no... 其實係諗，呢度真係有少少唔夠 i bank aggressive，但如果想有多 d life balance，其實都 ok 好... 不過我其實唔應該咁快有呢個退休心態既... :-S

靈犬

【 本 報 訊 】 日 本 電 影 《 柴 犬 奇 蹟 物 語 》 中 柴 犬 勇 救 主 人 的 故 事 感 動 萬 千 觀 眾 ！ 四 川 地 震 大 災 難 中 ， 也 有 兩 頭 骯 髒 不 堪 、 毫 不 起 眼 的 流 浪 狗 ， 奇 救 活 一 名 被 埋 石 堆 196 小 時 的 60 歲 老 婆 婆 ！ 兩 頭 陌 生 小 狗 默 默 陪 伴 她 度 過 漫 長 的 八 日 八 夜 ， 不 離 不 棄 ， 不 斷 舔 她 的 臉 和 嘴 鼓 勵 她 ， 還 不 停 狂 吠 通 知 其 他 人 前 來 營 救 ， 最 終 令 婆 婆 創 造 生 命 奇 跡 。

呢兩隻狗超可愛！超有靈性！好 touching！

零死角

上句：唔出聲即係默認啦！
下句：解釋即係掩飾！

完全無懈可擊！零死角！兩句一定有一句用得著！

不過，係咪有 d d 幼稚呢？ :)

旺巿

呢兩個月我都 in 過唔少人。持才傲物既有，吹水唔抹咀既有，轉數超慢既有...

終於請左 kathy 同 ian 既 replacement 阿 steve。

都係時候到我出手去試吓個 market，一間 i-bank 約左我見。今晚同個 agent 傾計，我應該會比 cv 另外一間。

我呢 d role，唔係成日有位岩我。咁橋呢兩間所要既都幾岩我，雖然我知道(估)應該不久將來會有多 d responsibility，順理成章應會有一次 interim review = 加人工。

但兩者同步進行亦未嘗不可。

一來想睇吓自己既 market value，二來都想比 d 壓力上面。

但怕係怕對方請左我，我又 turn down。不過都只不過係剛開始既 stage，諗得咁遠又好似囂張左少少。但呢，怕係怕咁做只會令自己個名係呢行玩臭串哂，始終呢行真係好細。

唔知點... 要認真諗諗！

捐款好不好？

睇報紙電視見到四川一幕幕地獄般既畫面... 真係心都實埋。之前 d 南亞海嘯丫，中國大雪災丫，緬甸風災丫，都好似距離我地好近但又好遠咁，有 d 傷心但又好似唔關事咁。但今次超級地震真係令所有中國人連成一線。我唔知 40 年前既唐山大地震係咩一回事，但呢次既四川地震真係好 hurt，成個鎮變成平地，咩一萬人得番二千人；一班小朋友返學ing 一鑊過 ko；全家九人死剩一個...

見到溫家寶咁高咁高既官，唔怕自身危機，第一時間去到現場去為救援步隊打氣；見到 d 救援步隊奮不顧身不眠不休去救人；見到好多老師好偉大咁犧牲自己救學生。心中真係覺得一絲絲暖意。

十年前金融風暴，見到 d 韓國人會捐錢捐金去救國，我心諗，中國人打死都唔會咁做，肯定！但經過今次大災難，希望中國人再唔係樣樣都係錢行先啦！誰會珍惜，當你還擁有；當要逝去，總想挽留... 呢句歌詞呢幾日不住係我腦入面嚮起。幸福唔係必然，自己有能力幫有需要既人，點解唔將自己既個人快樂，令到多 d 人同你分享呢？

如果大家呢排有咩唔等洗野想買，可唔可以諗吓，即使唔買，自己生活都無咩大改變，倒不如將果筆錢捐比四川遭逢地震巨刧既朋友呢？

n 咁多個捐款戶口中其中一個：
戶口名稱：HSBC China Earthquake Relief
戶口號碼：808-459085-001
(戶口所籌得的款項，滙豐將撥出相等數目的善款捐贈紅十字會，以八百萬人民幣為上限。)

聚舊

n 年無見。很熟悉但亦陌生既面孔... tina, tanny, shirley 同馬仔。

我果然係有少少女性緣，除左佢地，仲有 jessica 同 winnie，大家都唔覺唔覺識左成十年既一班舊同事！

其實大家投契都係大家當時都係小薯，無咩利益沖突，再加上有我呢個口多多既人週圍同人吹水，不知不覺就熟落左。大家成日去行山丫，打波丫咁；唔似而家 d 男同事成日去紅酒，劈酒云云。可能我比較簡單，都係鍾意呢 d 健康既活動多少少。

對上一次聚會都有成三四年，女人果然老得快 d 囉！:P 佢地個個都老左唔少，tanny 仲肥左多多.... 由中細碼變成大碼！shirley 就由少女 feel (?) 變成中女 feel！攪乜 q？

所以呢，女人真係唔好浪費青春，因為佢地係不住 depreciating，搵到件好野要好好珍惜囉！吊起來賣，玩咩野自我本性，咪聽捉蟲！世上有幾多個周慧敏丫？

相對地，男人都唔好玩吓玩吓囉，人地花左最珍貴既幾年青春比你，見異思遷又真係幾無人性囉~

潮語卡

黑仔

今個星期好黑仔....

星期一打波比人超級重手一野劈落左手掌，不幸中之大幸係劈低左兩吋，如果唔係左手尾指肯定受唔住度力而啪聲斷左！斷左以後十五二十我肯定唔會輸！肯定無人叫九，十四！ :P

真係劈得好鬼應，痛左前後四日，到而家隻手指尾都仲係無知覺！ @@ 摸佢時只係會覺得有野掂到自己但痛定痕定咩我都 feel 唔到... 唔通斷左條神經？不過手指尾相對無咩用，結婚介指唔係佢，小人又唔用佢，督人又唔用佢，讚人亦都唔用... 只係用來撩鼻x用... :P (噢！我今日先知原來五隻手指分工係咁仔細！！)

更慘係今日朝早返工時，閂大木門時一道怪風一吹，右手中指比道鬼咁重既門一夾... 痛到標哂眼水啦！而家禁落去都仲陰陰痛！ 希望唔好要換甲啦！

><"

入院

jessica 病左成個星期都未好番，一早落完去睇醫生後喊哂咁番上來...

佢話個心口好唔舒服，塊面又青 bb 咁，咁阿 ken 就話不如扶佢入醫院，佢地好 rush 咁離開。之後 marine 又好 rush 咁沖埋出去幫手送去醫院，話哂有個女人方便 d 既。

我見佢地咁 rush 咁跑走，先去 marine 個位，佢果然無帶手袋，我即刻攞走啦；再跑去 ken 枱面，見佢個銀包唔係度。咁馬上用九秒九跑去比番個手袋 marine。

返去 office，打開 ken 個櫃桶，佢果然無帶電話，咁我即刻攞住，再問其他人有冇人知 jessica 老公電話。攞左後飛去樓下睇吓佢地上左的士未啦！可惜已經上左，不過 marine 有電話同錢，阿 ken 無電話都無問題既。

馬上打比 marine，問佢地 jessica 點同去緊咩醫院。知道後即刻打比 anthony，等佢知道佢老婆出左事同去左邊間醫院，叫佢有咩事打比我可以做中間人幫手 pass message。然後再打番比 marine 話佢知 jessica 老公去緊會合佢地。

個幾鐘後 ken 同 marine 番來，marine 話好彩我夠冷靜會攞番 d 野比佢同好好咁安排，唔係就有錢無電話係身，無得聯絡 anthony 啦。

少意思啦！最緊要 jess 無事啦！ ;-)

病

惡菌叢生。

jessica 係公司已經病左成個星期，日日都咳到甩肺咁放毒，加上尋日同佢係同一架電梯入面同佢 ftf 咁傾左陣，再加埋夜晚打波時比人打到左手差 d 斷尾指骨而抵抗力下降(又關事？)，今日又死了！

其實我話「又」，我覺得我真係太唔夠休息了，自己都覺自己抵死！

一個星期 n 日運動，理論上身體應好好。但自己又貪玩，成日都夜瞓，加上呢幾個星期日日都唔捨得瞓去同某某花叢間採蜜，同埋呢幾個星期做野都幾大壓力，想做個好人都難。運動多，工作壓力大，休息少，又唔係 18 22 而係 18+22... 所以正常唔中招既菌都可以 ko 我....

不過個病都算係少少瞓覺病，成個下晝狂瞓都好番好多，係就係仲有少少暈暈地咁，但都叫精神番！

刀

練完拳飲野時段...

師：「阿宇，六月個表演你既劍要練熟 d。」
宇：「好呀！下年我地不如耍刀丫！」
師：「刀呢... 你、阿業同阿朗都唔會耍得好睇... billy你就會耍得好睇！」
b：「噢！竟然？我功力勁淺，而且我除左 cutter 同生果刀，其他都未揸過！竟然會好睇？」(內心暗喜ing)
業：「係咪因為個樣要有 d 殺氣至得呢？」
b：「這個不可能！」(國語) 「我一臉詳和，邊度來殺氣呢？」
師：「係你地三個身型都單薄，耍劍就可以耍得好溫文好睇，但刀呢，要身型健碩至會耍得有力，咁先至好睇！」
b：「原來如此！」
師母：「但我覺得刀係果 d 豬肉佬身型至耍得勁...」
全：(爆) b:(灰)

奧運火炬

星期五奧運火炬來香港，下屆個奧運火把都未必會再來香港架啦，咁難得機會好想去影吓相啦，可惜月頭請唔到假無符啦！

明明星期四放假，都唔明點解唔星期四來香港！ryan 女友公司超好，除左可以結識葉翠翠之外，果日因為 welcome 個火把來到香港，香港 office 全公司有假放！之後個火把去到其他中國城巿，果個城巿既 office 就會放假一天！超正！

但我唔明囉！個 d 左狗、商人同奧運有咩關係？咩原因佢地會送火把呢？香港唔係咁灰無一百二十個運動員丫？佢地能夠代表香港？唔好講咩泛民，代表香港既話點解無翠華老闆、一樓一既代表.... 等等？

葉翠翠...

做做吓野 ryan 突然 send 左篇忽週比我，講葉翠翠同 deloittle 既 partner 拍拖...

佢問係咪應該返去做？佢話係果度做13、4年，只要夠爛做，一星期七日，日日做20個鐘左右，係男人都應做到 partner。咁就佢都可以擁有葉翠翠啦！@@

「唔係丫麻 ryan，十幾年後就係人都得？」「係丫，咁你有冇興趣丫？」「超，我都唔係 a/c 底。」「超，你夠醒丫麻。d standard 既野你好快上手啦！」「咁入去做咩？」「入去做 junior 囉！」「吓？得果萬鬆蚊？」「超，你夠醒丫麻。三個月 review 一次，一年做 senior，兩年做 manager，四年做 sr man...」「咁做 sr man 好好人工？」「應同你而家差唔多啦...」「挑，咁我做乜要花四年？」「咁好快你會有翠翠喎！」

:D

新幫手

開心終於新同事來！都唔知幾怕佢又好似上次果條女咁，p 佢個 k，去到返工果日先話唔會來... 唔來早 d 響，唔介意你 turn down offer，但早 d 講我地可以有好 d 準備再去請人啦！

唔靚女，所以可以放心！即使靚都係咁話，唔會理佢啦！阿梅，你是最好的.... XDDD

之後全 team 人去飲茶... 究竟點解要我請呢？雖則新同事係我手下... @#$$%@$#%#& 算啦，都好耐無試過有呢 d welcome lunch，千零蚊由又佢啦！

ian 最開心囉！呢兩個星期靠哂佢 train up kathy，佢走左我先接番手啦！兩個星期比佢地陪養感情，唔好話我呢個做大既唔比隻好牌你上... ;-)

本年猛片

新進編劇花費兩年時間嘔心嚦血技驚四座之作，一個笑位多到數唔哂既故事。內容包括愛情、黑幫、豪門、尋仇、香艷、鬥智，全部賣座元素扭盡六壬共冶一爐。全片只由男女主角兩人擔當，但當中包含人物千絲萬縷，故事情節一環接一環絲絲入扣。本年度必看之作。一看必笑，二看必暈，看足七百三十次包保神智不清，口齒不利，精神崩潰！

我諗佢... 蠢人見得多，叻人遇得少！有用知識學得少，胡思亂想做得多！腳踏實地做唔到，心浮氣燥學到足！

回頭是岸，如果唔係前途就似咁...

小強...

報紙話聯合廣場一間時裝店折開一塊坑渠旁既木板後有成千既小強跑出來...

何其壯觀！！

雖然我唔太怕小強，但有一千隻同一時間出現真係好嘔心！！唔好講小強，有一日你行行街突然有一千個叫小強既人向住你跑同大叫，你都嚇到三魂唔見七魄啦！何況係污糟既小強？

><"

點解要大家笠？

問題：海邊 + 黑雨 + 八號風既風力 + 賽車 =？

答案：男既肌肉、女既曲線盡顯現！omg！由髮尾至腳板底，再由面衫至底褲全部濕哂！

原本有十六人到丫！不過，三號風加黃雨都幾趕客啦！最後得十一人出賽！都叫唔差啦！

我一個人好早去到賽車場先，本想去影吓相，但落住毛毛雨，費事壞機！之後人慢慢、慢慢來齊！其實真係好慢，我同第二批到既相差九個字，同最後個批相差一個鐘三個字...

天氣開始差，個車場負責人話原來天文台話有機會會掛八號風... 佢問大家想點？可以 postpone；亦可以玩住先，如一掛就會即停而比番 coupon 我地下次用番。我呢 d 打死罷就既當然話玩玩玩！一場入到去無雷公咁遠，死都要玩！恐懼同拗底係唔存在係我字典入面既！

因為落雨關係，個負責人準備左好多便利雨衣，加上個賽車頭笠，我地一個二個就變成左好有趣既塑膠阿蓋達人... 講真，遮住果樣，ryan 同 ian 真係靚仔左！

第一場一開車就知玩法同之前好唔同！本身車已經係光頭軚，再加埋落雨地濕！唔好講笑！差唔多係彎都甩！不過雨唔太大，風力亦麻麻地，心諗，「超！又話八號！吹水啦！」輕輕鬆鬆係十一人攞個最快圈速同最多圈(十一個)既紀錄！其實我覺得自己麻麻地！因為太濕，好多鬆夾彎都甩得太多了！

休息一陣第二場。天氣真係差左好多，好大雨，不過都叫 manageable。便利雨衣經過咁嚴俊又科學既考驗，測試結果係：好得！個身就係都仲好乾，但係件衣雨扲唔到既腳就濕到出汁，好出色！今次好丫，有十二個圈同快左四秒幾。當然又係第一名啦！因為 d 彎同架車脾性都熟左啦！ :P

第二場完左休息期間，天地風雲變色，見到 d 葉、樹枝同石仔漫天亂飛，雨落到同 niagara falls 無咩分別，大家都靜哂諗緊點好。其實只要有人出聲話「玩」或者「唔玩」，大家都會附和。我見無人出聲，我問「大家拗唔拗濕身先」「超我地都濕哂啦」「怕唔怕比炒車」「no」「咁最恐怖都係如果有一塊葉係最奧妙既角度加上八級風力一野切斷你地頸大動脈者，咁不如去馬啦」「當然」... 凝聚力咪係呢 d 囉，領袖咪係呢 d 囉... (爛玩乍？)

我地決定之後，怪事發生。就係個負責人入休息室同我地講，「我都真係比你地對賽車既熱誠打動左，你地繼續啦，我交代左，我地既同事會全力支援你地，不過我會走先...」... 嘩！我同其他人講，真係好似事有 qk... 會唔會之後出現王晶個 d 快鏡 shot，見到佢架車 chu 一聲後倒而高速離開...

第三場賽車簡真係妙... 視野差，大量積水，石仔亂飛，便利雨衣亦測試出 max 抵擋風力係3號波而唔係8號而吹爛... 真係知道8號來了！因為無左雨衣關係，大家可以想像同著住衫沖涼完全無分別，衫褲痴實 d 肉，對鞋一踩油門就有熱水供應。我好彩著運動褲，其他同事著牛記...

因為視野差同車軚咬地變差，但係佢地仲用番之前既態度揸... 衝出跑道，完全失控，打白鴿轉... 咩意外都出哂... 好多交通意外就好似黎嬰果單咁，都係司機自己本身好小心，但其他司機唔小心... 我咪就係咁賴野。三次，係三次比人中腰撞出跑道。有一次仲要好似 mario kart 搵到 shortcut 咁，唔行車路行草地成架車比人撞左出去，超快既 shortcut... 草地上既觀眾(工作人員)雞飛狗走，同打機一樣...

勁好玩！玩完全部人濕到呢！邊個有大肚腩，call 機腰，一望就知... 當然仲有.... :)~

三場結果... 攞到個第二名！開心啦！有個杯丫！

勁開心勁好玩！大家都攰到撻皮！亦都超級肚餓！不過佢地約哂一齊去屯門食 tea (lunch？) 但我就好堅咁仲去左打兩個鐘羽毛球... 仲要唔食野！咕咕~~

無福消受...

救命...

我打波者... 你唔洗來做我啦啦隊啦！唔好來同我打氣啦！

想睇波，留係屋企睇羽毛球比賽吧啦！雖則林丹無我咁靚仔... XDD

真係將心比己，明白點解有 d 人唔覆我 sms 或 msn 囉！我心對明月，明月照溝渠...

希望係我多心啦。做吓普通朋友好啦！

...但你說
i only want to be your friend
做個朋友
我在
你心中只是 just a friend
不是情人....

Accumulator / Deccumulator

i kill you later 真係有咁洪水猛獸咩？

又話邊個邊個有錢佬比人誤導而買，又話 d sales 唔誠實咁不住推介唔講缺點... 我覺得只不過係你地 d 有錢佬輸錢輸到發窮惡者。大哥，無番兩三球美金 d private banker 又會搵你啦，我頂盡咪係收到 d "我地係 xx 銀行丫，你可以將你張咭既 credit 變成現金投資丫""你有冇秃頭煩惱呢"既電話推銷... 又唔見有個 d 靚靚女 pb 叫我買 acc？你有 pb 服侍，代表你有能力明白 d investment vehicles 係乜 q？

無錯，佢可以令到你地班有錢佬輸到變成同我一樣咁既窮蛋！但股巿唔係只會升唔會跌囉！如果你買左 they kill you later，個巿又係咁你會唔會話銀行誤導你先？如果個巿不住升，同一份 contract 你仲會唔會話比人誤導先？我打死都信只會每張 acc knock out後，你再 roll 一張新既再次比人「誤導」...

只不過係你地輸打贏要者！

其實你地同我一樣，就好似我去茶餐廳叫左杯咖啡，來到時突然想飲另一樣但唔知點算，只會飲一啖後話有怪味變左，之後老屈你比過杯檸茶我一樣... (← 只不過係例子，我本人並唔係咁 cheap) ;-)

奧運笑容小姐

唔知講咩... 一個正字！(當然唔係 d 女既質素，雖則都叫尚可...)

英明神武只不過係假象...

IT 選民登記

router

都發覺左好耐，覺得部電腦由舊機到新機上 internet 都比我想像中慢，又話乜鬼8M寬頻，但我覺得唔多正路！

打去網上行 hotline，佢話唔知會唔會我個 router 有事...

係喎，我成日以為係部舊機有事，換左新機又係咁，所以以為係 network 問題，我真係從未諗過係有關個 router 事！

拔走個 router，嘩，上 youtube 真係快番好多！

幫部 router upgrade firmware，睇佢呢幾日會唔會快番先~ 如果無改善，唔通去買過部新 wireless router？

國花係咩？

ian 今晚請我同 ryan 去鋸扒，我去訂位。唉，唔食佢隻車啦，去 san francisco 算啦，去 chris ruth 我怕佢借尿遁...

嘩，後面枱既七八個小姐們好不漂亮！拿，去 cr咁高檔就唔會有呢 d 妹妹坐係你地隔離"陪"你地食飯啦！ ^_^ 可惜我並唔係果 d 會去白撞識人既人，所以你兩個死心吧！仲有你地不住形容幾好幾好都唔會令我不住回頭望後面啦！pk 仔！

不過你地兩都因為唔識讀 d 英文而叫我去點送... 你地話哂大學畢業又盛，sirloin 都唔識係咪要反省下呢？

之後去左 ryan 屋企飲紅酒！條友真係識歎，有 d咁高尚既興趣...！不過我都係草根 d，美味米岩我多 d！:P

佢地兩個打打下 winning，唔知乜鬼靈光突然敲我個頭，令我突然問句，中國國花係咩呢？竟然無人識，我話梅花啦，九成啦！佢地死都話唔係。又話咩台灣至係，但我話唔係丫麻，中國丫！

究竟有無人知？

巴根鈴‧拋華

今日明白邊個惡就真係可以講野大聲d啦！

ken 同 eugene 都唔係度，所以 ian 比信威哥啦！佢地傾左一陣！我就去同威哥傾計啦！同佢講吓之後點佈處，同講吓要搵 d 咩人啦！其實我同佢傾都係一為神功二為弟子啦！

我當然只先講同分析 ian 點解要走，我再話(其實係真心)原本諗住 ken 同我主力 project，我 supervise 同 review ian 計既數同埋我去同 trader 傾，ian 主力做數同教新同事 kathy，一齊好 perfect！點知而家 ian 走，仲要好幫手既 pearl 又走，IT 甩轆，主力計果個又走，我一個人要跟 project，落手落腳計 reserve，再要教埋 kathy... 真係好大 pressure！我都要搵d agent傾吓計啦！

我再同威哥講，你 pay rise 出 market value，fine！而家出面請走我地既人都係比番 mv 者，但人地個名夠殺。你得 mv 就留唔到人囉！要同人搶但名唔夠響要俾 mv+ 囉！等到人地見好哂，你先拗底，至比更多 premium 比到 mv+++ 人，人地已經去意已決。咁仲要比原先更多 premium 但都留唔到人，唔係有少少事倍功半咩？

威哥聽完諗左陣。問「好！我都唔想你都行到呢步！你覺得幾多你唔會諗走呢？」我用計數機比左我心中既%佢，佢話，咁應問題唔大，我會同 eugene 傾。

而家 ian 走人，得番我同 ken 識做要做既野，兵慌馬亂時仲唔趁火打刧等幾時？呢 d 野都係睇 bargaining power 者，講真唔通風不浪靜先講咩？到時你見 full team 仲會有得傾！

係有少少殘，但我覺得正路！你可以唔理我既說話，當我豬嗡，但我要搵工走人唔會難囉！我就比一個月時間睇吓佢地會唔會做野！

快死了~

尋日係屋企病到九彩瞓覺時，ryan 打比我話 ian 同 ken入房 g g jump，仲要六點搭正即閃，實有鬼！...

今日返到公司，條死仔包同我講佢要走，叫我唔好掛住佢！食屎吧！

唉，我同佢咁熟咁 fd，一早知佢去 int 去左九十幾次啦！雖則係佢阿頭，但阻人發達既野我唔做囉！出面有好世界我唔會阻頭阻勢，我自己有好路數都走人啦。擇肥而噬物競天擇適者生存~

不過，呢度有佢好處，就係 working hour 始終唔太長，平均八點左右可以走，仲想點先！b仔唔太差唔太好，一年又有兩次 review，出面炒人炒到火紅火綠時，呢度相對安全！fair deal 啦！唔係講好說話！不過我做過 us bank，有幾辛苦真係唔做過唔明白啦！錢搵唔哂，我想有命享啦！

不過如果係轉，過到去都過左半年，果面b仔一定唔會多，仲要加得10%，怕佢會後悔啦！一定同呢度比唔會 better off 啦！不過佢係為左啖氣，我都唔會多講寧願慳番！downside risk 話左比佢知，要 take 就係佢自己責任啦！

之不過，五月中就走... omg！新女同事 kathy 過兩個星期來，我要做 monthend，又要 train up kathy，又要做 hub project... 會死人啦！果面點解會 buy out 佢架？唔好 buy 啦！等佢幫多我一排先啦！有冇人想來幫我手或介紹人幫我手呢，人工都唔差啦！個阿頭又靚仔！

靚女優先處理！:P

咁橋又有 agent 搵我，點好呢？ (- -)

Miss ba

嘩！今年既中大miss ba崇基選手阿junes(係有s係尾)果然好得喎~

仲要：

• HKCE 10A、DGS、拔尖、GPA 4.0 (= 叻女)
• PE攞A、danso，唱歌跳舞都好 (= 唔係死讀書)
• 屋企有錢
• 人很nice，有禮貌又有善 (= 即係唔係一般靚d既港女啦)

仲有仲有

• 長腿直髮 (我加既 :P)

唔怪得cu既男同學不住搵佢參選既閃卡啦 (當然唔係阿嬌果隻啦，係以前周慧敏果隻)

相反果條蝌蚪眼男選手唔該收收~

參選既fb page

點解我讀cu果陣，撞口撞面都係d.....

天旋地轉

一早返工
覺唔舒服
諗住頂到
換好哂衫
出左門口
天旋地轉
上床再瞓
瞓到三點
呆呆吽吽
但係今晚
又想打波
咁點算好

eric你條pk...

咁無人性既野你都做... :P

唔怪得你叫我快d同ryan上的士啦~

但你話溝喎，點解會變成咁？

farewell

放完個長假，一返工就知道又會走兩件。唉...

約左尋晚一班同事去食晚飯，去左尖嘴一間酒樓食... 算啦，ian既心水都係差唔多水準啦！~~ 七條大漢叫一個家庭六人餐食完好似無食過野咁，不住再後加多D野食，最後由一個六百五既餐變成千三埋單... 二百一個我唔會食呢度啦！去鹿鳴春好過啦~

食完佢地話去飲野，我呢d不嬲唔大興趣，仲要全男班，令我興趣更加大x100減！我知道每次nicky一出就必定要不醉無歸。算啦！係因為eric走人我先陪佢地癲吓啦！

佢地全部都好熟路，好似個個都唔洗人帶都自動波識路咁！勁！坐左一陣，有兩個靚靚拳手好熟咁坐低，原來如此，佢地成鬼日來，d拳手都熟哂佢地囉！死人eric不住咁聊阿jo囉，ryan又同果個phoebe好熟咁，阿雄阿雄咁叫(但佢個名又無個雄字喎！)，有景轟啦~ ryan話佢有d fd最鍾意溝拳手，不過我覺得大家距離相差太遠了，唔係睇少佢地既職業(就假，日日比唔同男人抽水~)，而係思想真係差太遠了~

我開頭唔飲齋養魚呀！佢地叫啤酒，我最怕飲啤酒，飲啤酒令我醉好難既，但d氣同水真係好辛苦丫！佢地一杯一杯咁隊，大話骰丫，lucky丫，仲有d咩啤牌大細紅黑丫... 隊左成個鐘有多，phoebe都有問我點解唔飲啦~ 我話一陣先啦，因為我一飲醉會爬上枱耍太極囉~ :P

之後phoebe攞左隻鱷魚禁牙仔game，我見佢地飲到差唔多我先開始囉~ 唔同佢地大癲啦！

其實都唔知叫左幾多pack啦！由十點半飲到成兩三點左右，開始唔飲吹水。jason死左，nicky已經醉左成七八成，不住小狗eugene，話佢真係好唔掂，不住想控制d staff既思想，佢仲話聽人講我兜口兜面咁challenge佢，話我好堅，唔係咁多人唔搵工夠胆咁做... 我不嬲都係你不犯我，我不犯你啦！但你要控制我，我唔會咁易屈服啦！我肯定唔會係果d日日依起棚牙，同你開門好似bell boy九十度彎身既既刷鞋仔囉~

eric之後又捉我去一邊，問我頭先果個阿jo同phoebe得唔得... 我話ok啦！佢話佢想溝阿jo喎... :-/ 佢又話佢想飛佢條女，我話你不如聽朝清醒d先啦，唔好酒精下做啦，清醒時理智d諗清楚d先啦！佢不住話佢自己都知自己好狗無責任心，唔鍾意有咩責任，唔想條女對佢好比10佢，又想佢一樣咁比番對方10，咁佢寧願對方比零佢... 佢話佢最怕係long weekend，因為都唔知要同條女做咩好，想自己一個人係屋企hea，但又唔得...

最清醒果個我就成晚做左白姐姐啦，人人都搵我傾訴啦！去到四點半左右大家話散水囉。勁清醒啦我，我想行去搭小巴丫，但ryan話我唔係成五點都唔飛的順便車埋佢返屋企丫... 頂~

Thx Cat

多謝你既澳洲蜜月手信！無唔記得我最 like 苦爆 dark chocolate，仲要係hand made既，好好味道呀！

唔好理班死仔亂講啦！你我兩個人明白就得啦！衷心祝福你丫！

(不過就再好難同你兩個人夜晚去大排檔食牛腩麵同綠豆沙啦~)

The One

ryan好灰丫~ 如果我係佢，我會想死囉！

「諗住好啦，星期六求婚成功啦，成九萬蚊一隻鑽石介指，又二千蚊花又千幾香檳又盛，阿女朋友你至少都有三個月好心情啦！屌！九萬蚊只可以維持頂多四十小時好心情囉！用成九皮野買隻鑽石介指比你，又另外用皮幾買隻珍珠介指比老母，自己孤寒自己，頂盡比千二蚊買支球拍比自己啦~ 挑！已經唔係叫你送，你送肯定上蘋果頭版，同你睇拍幾次次次話好鍾意好鍾意你都扮哂聽唔到，自己比錢買塊拍比自己想打好d波，你都要黑哂面話我都已經有一塊啦，咪塊塊一樣~ 挑！一樣就買隻水晶既比你啦！洗Q九皮買真野... 你d野就係野，我就唔可以有想要既野既... 」

聽完佢既掃苦，一唱一和，我就講句結論：

九皮四十個鐘，一個鐘二千幾蚊，同劉巒雄出報紙一樣咁勁啦，不如以後唔叫你猛虎同魔犬啦，叫你the one啦！

一個闊佬自己孤寒對方既女仔... 兩條友夾埋都搵到幾皮一個月，平時見你買對五六百蚊波鞋申請慘過攞綜援... 我覺得佢睇錢大過過你囉！

老友，仲有年幾，有咩未完既心事想去既地方想飲既酒好快d搞掂哂佢啦！睇你條女既款，長命百歲格，遲d入左冊，四五十年都無得翻身呀！你唔洗慌咁易攞到行街紙啦！聽坐監啦！

A woman worries about the future until she gets a husband.
A man never worries about the future until he gets a wife.

老友，信主啦，佢會打九你！

一帆風順

elsa，你就好啦！一個已經唔做野既c9都仲有機會出biz trip... :D

等你辣辣牛肉乾丫！ :P~

雞毛蒜皮... 飽飽飽！

計下計下b仔都出左好一段時間囉~ 今年都派得叫唔錯啦。其實派得好與壞都一早打算一派就請屋企人食餐好啦！叫老媽搵埋阿姨一家啦，舅父一家啦，加埋我地自己一家啦！夾左好耐至夾到今日先去食。諗左好耐唔知食咩好，記起之前食過既小南國。其實自己係中環食過數次，絕對價錢唔平但亦肯定交足貨囉。不過點都好，都係覺得megabox果間夾屋企人住處多d。

之前訂位已經訂左三個要時間prepare既菜。個湯真係幾貴啦，七舊水十個人左右。我地有成十幾人so我要左個半既份量。仲有一隻八寶鴨同陳皮雞。

去到原來佢地好好咁安排一間私人房比我地！好正好好！個上海藉伙記亦非常之好傾同好服務。因為佢係上海人，每個菜佢都可以介紹下有咩特色，正！一個好既伙記真係可以幫間舖頭搵生意囉！

我除左果三個訂左既菜，再加一個十人餐另將某d菜既份量加大另再加幾個菜。齋係d冷盤既精美同好食程度，大家都讚不絕口，不住起筷同起機(相機影相)！食完個成七八碟冷盤，佢地以為差唔多完事... 唔係認為我會對人咁差丫麻？個伙計收好碟後，每人比左一隻成隻手掌曲埋咁大既蝦... 超多羔超好味！食到大家lamlamlei時，再來一個松子黃魚同個八寶鴨。松子黃魚唔洗講，黃花呢種又滑又甜既魚再加埋惹味酸甜汁... :P 個八寶鴨除左有個鴨頭同頸，真係估唔到係一隻鴨。原來師傅先去骨再加上八寶飯入去鴨身入面，再攞隻鴨成隻去酥炸，連阿恒咁鬼麻煩食野既人都話d野食樣樣都好好味！

大家已經飽飽地時，突然來一個東坡肉款既肥肥地既肉同廿幾個包包。個個話肥肉丫！唔食丫！會胆固醇丫！好飽丫！... 阿豪後生細仔就先來一件肉加好多汁放入個包入面... 一食... 話超級好味... 之後韻芝亦忍唔到佢阿哥既講法，唔食肥豬肉既佢亦來左一個包包加肉同汁，亦係話超好味！最後，之前最大聲話肥肉既六姨，會係個盤入面搵d肉來食！清碟！ :P

食完呢幾個菜，上個响螺頭湯。阿豪話超好飲而飲左兩大碗！超甜超香，並唔係普通食到既响螺湯味道，好鮮味！食到呢度，大家其實飽左九成。但個伙計再上果一早訂左既陳皮雞！D雞肉腍到我一夾個脾會成支骨卜聲跌落來。好香陳皮味！不過都係食唔到啦，隻雞食得三成左右所以爸爸叫伙計包左佢啦！

食左咁多肉，終於上蔬菜啦。百葉小唐菜實無走雞啦，仲有一個伙計推介而外加既時令蒜茸炒菜。伙記話菜叫雞毛菜，係上海人至會種既。我話菜叫雞毛，又用蒜炒，仲唔係雞毛蒜皮...？ :D 其實大家都真係飽得好厲害，但之後再來十幾個小籠包。好彩阿豪阿立同韻芝勁鍾意食，唔係真係小籠包都要打包囉！

本來要上甜品，但伙記話個甜品要耐少少時間準備，食水果先好唔好！當然好啦！食少少清清地既可以透透氣啦！

大家坐下透下氣，一路睇住十萬火急，吹下水，再慢慢等個甜品上來。其實連我在內都估唔到個甜品既精美程度可以去到咁... 大家一見個碟上枱，馬上嘩聲四起再起機！一個碟有廿幾粒甜點心，有五個款色：

1.桂花糕，伙計話係加左少少酒(唔記記係高梁定咩啦)，好香好煙靭，我超鍾意食桂花糕，但咁好味真係未試過啦！
2.煎堆仔，相對好普通既樣。但入面係我好鍾意既麻茸餡。剛剛炸好既煎堆，加上煙煙靭靭既皮，超好食！
3.南瓜糕，d皮加上南瓜肉來整出甜味。再做番一個南瓜樣，好靚丫~~ :P
第4同第5伙記話係得奬作品！要用好多心機用手工至做到出來！啡色既合桃，將合桃磨碎入D粉入面再猜番個合桃樣出來再攞去炸。白色既花生，同合桃一樣，不過今次用花生再整番個花生樣。兩個點心既香口同美味程度真係無得頂！

大家其實好飽囉！但呢碟甜點心真係曱甴一掃光！大家好勁啊！

大家食得好開心啦！一家人開開心心一齊食飯真好！爸爸話好貴丫！我話好少事啦，又唔係日日食，諗都唔好諗我成日請咁貴既野食啦.... :D


(其實食時有少少唔開心... wish you were here..... :( )

何小B

一早同elsa入去屯門探何小B，出世兩個月終於入去探佢地啦！買完手信尿片兩大pack，飛入去大興去探阿板一家啦！

好正啦，有薑醋食。我最最最鍾意食酸野，薑醋既薑同蛋我超鍾意食啦！豬手麻麻地囉！

elsa果然係媽媽級，可以同何大B講超人片名，不過佢只係配音組，動作組部份都係交番比我... 天馬流星拳丫，蘆山昇龍霸丫云云... 可惜elsa佢並唔知道大B係唔鍾意D文靜既玩具，找配對你想悶死佢咩！買個波同佢打就差唔多！

小B就知道有人探佢，死都唔肯瞓，打哂呵欠都唔瞓...

細路仔真係好似一舊海綿，原來大B呢期最鍾意做既野係... 耍太極~ 哈哈哈！

攰爆一日遊

逆天而行！

由上星期三開始日日我想去影相個天唔係落雨就大霧，但一有其他野做就好天到可以去游水咁滯，一副擺明唔妥我既樣！今日都唔覺好天都係灰陰陰咁，但我時間無多，仲有今日同聽日兩日假，我唔想星期六日同人去迫，如果今日唔去，聽日落雨，唔知幾時先會再攞假去啦！

講左好耐好耐，終於都去左濕地公園啦！其實個公園無咩特別，都係好似以前bio書講濕地果隻。好多候鳥會搵食丫，好多特別小小既小動物如大細鉗蟹丫咁。

不過逆天而行係work囉！行下行下，竟然出太陽同熱到pk！真係邪不能勝正啦！

帶左兩支鏡去，支tamron唔洗講，係好好啦！不過要影雀就要支濕九sigma啦，唉，sigma佢就真係麻麻啦！其實主要原因係太長焦距啦，自己一手震真係好差~ 如果買支好野小小白要成七八千蚊又真係唔捨得囉！又有幾可去打雀丫~ 不過長焦距影微距又真係特別靚，唔怪得d 摧花賊去花奔展咁近影花都用長鏡啦！

不過話手震手震，都係入面影左成四五個鐘。一來不住練習(練習真係有用，後期真係定左好多)，二來要等amy放工去攞張咭啦。

天水圍不愧悲情城巿。入到去，全部都係公屋咁滯，仲要不住仲起緊公屋，好多好多big6人... 唉，山長水遠，d人又係低收入人士，唔怪得入面d人有d話未出過去中環。全個屯門元朗天水圍區咁q多人只得一間公立屯門醫院，唔怪得壹仔話死都唔好入屯門醫院啦！d咩人話幫天水圍改名會轉運... @@ 收啦！入面咁既質素，改做半山區都唔慌有運行啦！難得早兩年仲有班傻仔去搶天水圍既新樓...

其實人窮唔緊要，但政府你又要將所有窮人group埋一齊，仲要發放到塞外邊疆，佢都想搵當地工又多競爭，出去出面返工比車錢都比死佢地啦。咁即係點者？不如簡簡單單唔好再比big6人落來吧啦！我D稅唔想白比佢地啊！

影完相五點鐘攞左amy既咭，用廿分鐘由屯門飛去沙田會合tvb去威爾斯探阿源。阿源比我想像中好得快，可以咁快去練輪椅！叻！希望佢可以一路咁積極咁撐住啦！2012傷殘奧運希望佢為香港攞番塊羽毛球金牌！

不過真係勁搞笑！所有斷腳入院既都係因為打籃球而斷，唯一一個因踢波入院既竟然係跌落地斷膞頭骨囉！世事往往就係咁怪咁得意咁出人意表，所以我咁英偉又謙虛又專一都要得一個人，所有fd都話我有market，但其實我又唔覺有，真係唔係奇聞啦！哈哈哈！

探完病揸番架車番屋企再搭地鐵去練拳。真係太攰啦！我係短短五個站都瞓到死左，要係茘枝角至起身搭番轉頭去美孚！...

今日練拳師傅仲有好野益我，竟然佢同其他師兄同我餵功。正死！餵功就好似果D瞓係度，放對腳上去果d機，咁部機會自動左右郁，好似你自己主動做腰部運動減肥。餵功就係佢地用佢地既功夫幫我放鬆我D緊既關節如成條脊柱，臗，膞...等等。簡單來講好似武俠片咁傳授內功比另一人。被餵完得全身鬆左好多，但係勁攰勁攰，因為我要放鬆去令自己唔好比師父同師兄既功力推倒。十萬個攰！

練完拳一上巴士番屋企... 係車上面馬上不醒人事... 好彩今次知醒落車，唔係一醒就大檸樂去到山卡拉荃威...

連個天都唔鍾意我... :(

頂！由上個星期二開始，每一晚我打算第二日去濕地公園影相，個天第二日就會天陰陰。我一無諗住去或有其他約呢，個日就會陽光普照風和日麗... 咩料丫？已經成個星期咁同我作對，我有咩得罪你先？

好啦！天陰唔去影相啦！去做善事捐血救人啦！日日都拍烏蠅既捐血站，我一想去捐血者，洗唔洗成二十幾人係度歡迎我呀？連一個企位都無...

妖，咁去郵局寄野啦... O哂咀囉... 平時頂盡三個人既隊... 今日有四條蛇餅囉！成個荃灣郵局有成五十人係度排隊囉~ 喂，係下午三點幾四點唔係食飯時間喎！果班人唔洗返工既？做咩全個荃灣既人都係同一時間去寄郵包先？

唔做好人啦，發脾氣啦，去做衰人啦！要去搶細路既糖同推阿婆落地啦~~

送給勁無guts既ryan

猛虎落地勢




魔犬慟哭破


呢兩招真係好適合無胆既你...

好核突既相...

再一次證實... PDA既相機只不過可以話有影相功能，根本D相可以睇完即刻delete...

嘔！

打機

超級眼瞓ing now...

星期六我班fd既波局個個都話來唔到，加上nicole話想練多d波，咁就叫埋泰利同佢一齊來打啦。佢話叫埋一個又靚又盛既朋友一齊打波兼介紹比我識，泰利又話果個女仔白白淨，無X病... 等我仲一心諗住睇吓佢地兩個有無吹水啦，之前既慘痛教訓已經令我唔再輕易相信別人啦.... 哈哈~~

end up... 個女仔唔到囉~ 算啦！我都其實無咩expectation既... :P 三個人打，好彩見到班識識地既朋友係對面場，咁都叫左佢地過來鄧下腳，打番doubles無咁攰呀！

打完點幾想去飯廳食tea，但又未夠鐘，所以佢地上來我度打mario party攝時間，一打就打到三點幾。餓腸轆轆，衝落去食完，因為成本問題飯廳佢地無左潻飲啦~ 不過其他野都仍然好好食啦！因為大家都無野做再上去我度再打wii sports... 一打就打到九點幾。


九點幾泰利有D餓就去左食莎樂美！:P 好耐無去囉！加左少少價但仍然好大份... 我比左一大件牛柳比泰利... 因為之前個tea都未落格，食到有少少反胃... 頂到上食道~

食完大家再上去我度再打MP8... 試哂個個party land，都係買酒店果個最好玩！最後係MP入面竟然有一個low b乒乓波打，超好玩！同泰利狂打，好玩丫，又有正手又可以反手！超似打羽毛球既內同外旋！打打下nicole已經不醒人事...

原來我地已經唔覺唔覺打左十幾個鐘頭機，打到成六點！好耐無試過咁樣打法lu~ 好正好正！下次dl埋果個羽毛球game再叫佢地上來打過！

火麒麟

同Joel師兄吹水，原來佢剛係菲律賓潛水返來。

N咁多年前考牌，四五年前去過Guam潛過兩日。其實心底不住都好想再去潛，但奈何無buddy，亦的唔起心肝去練...

條死仔不住放毒，又海龜、又鯊魚、又夜潛、又深潛又盛。講到我心思思好想去學番...

唉！咁多年無練，我當自己個牌廢左算，由頭學過算數！錢唔係最大問題，最大係無朋友一齊學，一條友去學，如果其他人一對對咁有哂buddy，我唔知點！

等佢去幫我問D資料先啦！我亦去床下底搵下我對蛙鞋同wet suit仲係唔係度...

緊急緊急

星期六日一連續幾日都要打波，就星期二朝去幫手啦！

熱血！

大家可以既話都出一分力啦！

律政英雄

係戲院上時唔想一條友去睇咁戇居。等呀等，終於等到有得download！

正... 好睇丫！始終覺得木材同松隆子係最金童玉女囉！

個放火狂徒好似曹宏威！不過係長毛版之麻...

阿老闆真係超鍾意... "aruyo!"... 正爆！

執相

橫掂放假無野做，就花一日時間將咁多年影既幾千張相分番類同時間。果然係一個好偉大既工程，睇相、分日期、分類別... 唔係野少！

數碼相呢個發明真係好偉大... 咁多年來既回憶，可以放入張幾十gb既flash入面。

見番咁多年既人事物，好大轉變！就講我窗外都已經由一個地盤變成值九百幾萬既高尚住宅...

身邊既朋友變化當然大大大，由單身變結婚，再由一家兩口變三口，三又變四.... 體型亦由中碼變成大碼再變加大...

自己變化好似不太大。不過好肯定既係，每次唔開心，我都會好明顯咁瘦瘦瘦...

上至下左至右：

1. 萬景峰其實只不過係街巿旁既一個地盤，何解值九百幾萬？
2. 幾時都咁百厭既我由大石跌落地而斷腳，難得我仲笑笑口咁期待第一次坐水警輪... 苦中作樂最高境界！
   
3. 甜酸苦辣一齊來既日子唔易過，最瘦既一段日子。
4. 可以話係改變我一生既一次船河，百般滋味在心頭...
5. 同同事相處最開心既一份工，可以一齊上大陸做三日義工，個個都揸流灘得我同另一個鬼佬除哂衫出哂力去做...

Orz

估唔到...

O咀...

一D都估唔到咁很marketable...

多謝sanko...

大鑊...

bear stearns 出事，lehman hold住咁多bs，呢個星期美國ibank又出result。好似又番去幾年前大檸樂時期...

自己坐住果堆貨，話係話長遠投資，見佢大插水真係有D唔開心... 好彩D commodity funds發揮強勁功效，升升升！有危有機，準備再跌時買番少少基金averaging都好！

放長假好處係可以唔Q理世界末日，但怕一返到工，喂喂，你比人炒左lu...

新玩具

阿立打比我，話有貨啦！正！

之前有朋友叫我買iPhone，我怕水貨麻煩。想買cruise，但又好似貴左少少，見到呢部又薄又靚，想起阿立有staff price，即call。佢笑話部機hit到要死，連內部都無哂貨，要等！

好彩都係等左一個星期者！

其實自己好抗拒韓國野，呢部機上手都唔改變我既感覺，比日本野真係差一大節！部機攞上手真係好薄好骨子，不過有D位真係膠膠地。好很on q，插usb、head phone同叉電位竟然要用塊膠遮住，日日開開關關佢好快斷啦！韓國人真係好蠢！但蠢唔過一路鬧一路買既我....

自動請纓

core leave開始，應該由十五號放到三十一號至返工。但今日全個equity team，原本九個人放到得四個，所以我就自動請纓返去幫手啦。橫掂係屋企又無野好做。今日返工假照報話core leave中，但四月先off record放番今日。

人手勁少，都好趕急。我自己又唔想晚走！

中段sanko同我hihi，問我一D公事，佢話乜我唔係放假點解返左工？我話都無地方去又人腳少所以番來幫拖。佢問點解唔去旅行呀？無錢又無理由喎！我話係無伴囉。

佢認真話無理由丫，你有market喎，仲話會介紹d fd比我識，要番去揀番D相比我過目... 估唔到番工都有好報！

母語教學

政府話好多中學生尤其中中學生既英文水平距離可接受水平還差很遠。

小！晨早十年前已經話用中文教書只會令D學生廢物化... 當年補習時狂丙我D學生迫佢地一定要識D英文terms！明明唔需要，講得唔流浰但都要佢地寫句英文我睇。見佢地一句英文D grammar錯很到想打佢地，當年已經咩唔可以體罰唔可以打學生，但我唔理照打爆佢地(當然係細細力(我認為細細力)打佢地一下)，丙丙下佢地真係好左！D女學生我唔打但鬧爆佢地，但係結果係打同鬧果班學生真係進步好多... 我幫佢地補理科但佢地都會叫我教埋佢地英文！佢地比我鬧同打爆但仍不住介紹D朋友叫我補！...

唔係我話，D咩唔可以體罰，我覺得好快會見到D青少年罪惡加劇！你試吓，如果捉到人虐貓，懲罰係虐待番個人再遊街示眾，我肯定無人敢虐貓。亂咁週圍食煙，罰佢五萬，要兩日內科水，包保全港無人咁再亂咁食。

有時人係要先教育後懲罰，乜Q都只要保護，人只會變得同愈來愈差勁，因為知道我都唔洗改進，大家都會保護我啦。英文差，咁避左佢，用中文教；唔聽話，唔可以打，要講到佢明... above9！

攰死

由星期四開始就狂運動，尋日朝早打左兩個鐘波，夜晚比人拉伕去幫人練兩個鐘波，今日又連打四個鐘波... 最衰屋企又有塵，自己忍唔住尋晚兩三點都去吸麈同洗衫，勁運動仲做家務真係有少少虛脫。

因為係北河街打所以問老豆老媽去唔去食飯。食飯時我一坐低時又餓又攰，坐到per哂咁。對腳super lemon...

佢地兩老好開心因為剛去同飯團剪毛同沖涼，佢地好鬼死錫飯團啊！聽日仲會攞我架車車隻百厭狗狗去遊車河！呵呵~

但老媽話... 「你老豆當飯團係孫咁，你快D生個比佢啦~」

- -"

塔羅牌

一向唔信呢D神怪野。但elsa不住話好準好準，見三百蚊可以試吓囉。

準？其實幾麻麻地啦！話我手緊... 我都唔用錢乜滯，點會緊？話我感情生活好... 咁都叫好？

不過呢D野聽完哈哈兩聲就算數！不過我知原來我lucky number 係2，同埋佢話我今年會多一個女朋友，仲有我呢世人女人旺我。唔怪得以前果個神棍相士話我呢世人好有女人緣又有桃花... 好夾囉~~

咁就無左三百！好彩elsa一早話要請我食飯！去左星光行果間潮州野金島。

十年無見面啦~ 不住講番以前D往事。兩個人未一齊過，但果種比朋友高比情侣少既感情，可以去到今時今日都仲記得！哈~我唔知原來我係對佢咁好喎~

不過十年間大家都無咩大變，佢仍然係咁artistic，我仍然係咁lowB。唔好怪我，愛在瘟疫蔓延時(好似乜Q love in the time of cholera云云)我真係頂唔蒲... 唔洗借我睇啦~ 同埋一個咁邪既書名我真係譯唔到一個咁優雅既戲名囉！哈哈~ "愛上痾"，"邊痾嘔邊愛"... 我係咁既level左右，wakaka~

原來世界上仲有人唔知邊個係mario...

中鐵建

有冇搞錯... 十幾廿萬竟然一手都唔中！六合彩又一個字都唔中！ .\ /.

accounting.... - -"

幾日前nicole話佢讀緊既咩QP其中一part搞唔掂，佢講話係有關equity instruments既，equity instruments仲唔係我強項？所以約左佢出來教佢。

去到旺角乜鬼Y House... 攞左份notes，一望，小喇叭... 全部都係D acct 野，講吓D financial assets要跟咩criteria去分類，完全唔關equity事，超！

就係因為份野咁唔關事，全晚變成一D都幫唔到手之餘仲係騷擾nicole讀書既吹水飯局！

心頭有冇咁高....?

收到幾份CV，全部都係D濕九accountant，無PC經驗，亦唔知乜叫equity derivatives... 但仲想轉來加20%... 痴Q線！

ian好很激動。話佢當年入來都無咁多又唔會獅子開大口....

我夾係中間，一方面同佢fd，另一方面亦係佢阿頭，兩個身份有時好矛盾... 知佢搵緊工，朋友當然想佢搵份多人工既；但另一方面亦知佢走埋得我一個，我個邊會做死我。

同威哥講番，我當然會修飾一番，佢話其實ian(同我)人工都唔會lower過market，但佢一定會係interim再review云云。

希望今年interim又有驚喜啦~