頂！由上個星期二開始，每一晚我打算第二日去濕地公園影相，個天第二日就會天陰陰。我一無諗住去或有其他約呢，個日就會陽光普照風和日麗... 咩料丫？已經成個星期咁同我作對，我有咩得罪你先？
好啦！天陰唔去影相啦！去做善事捐血救人啦！日日都拍烏蠅既捐血站，我一想去捐血者，洗唔洗成二十幾人係度歡迎我呀？連一個企位都無...
妖，咁去郵局寄野啦... O哂咀囉... 平時頂盡三個人既隊... 今日有四條蛇餅囉！成個荃灣郵局有成五十人係度排隊囉~ 喂，係下午三點幾四點唔係食飯時間喎！果班人唔洗返工既？做咩全個荃灣既人都係同一時間去寄郵包先？
唔做好人啦，發脾氣啦，去做衰人啦！要去搶細路既糖同推阿婆落地啦~~
沒有留言:
發佈留言